影片
更多
2016-12-06
162 瀏覽
星期六返半日，收左工無野做，同同事們一齊食放題，又是你啦，兆萬！唔使book位，walk in就有啦，我地1:15去到，都坐滿一半，好彩咋！先叫刺身，因為唔係太餓，我地都好細食XD呢度上菜快而準，完全無漏單！章紅魚好新鮮，略帶少許腥味，但我覺得有腥味先夠貼地！三文魚出奇地滑，肉質又滑又肥美，似是三文魚腩位的。赤蝦夠晒大隻，肉質好鮮甜，蝦肉爽滑！壽司方面，同事們都叫左唔少啊！黑松露系列的我最中意，本來無乜味既壽司加上左少少味，最好味係油甘魚壽司，帶少少甘味！京蔥和牛卷賣相好靚，和牛是入口融個種，但係有少少生，帶少少辣。芝士鰻魚卷既芝士用火槍燒過，係融與唔融之間，配合埋鰻魚正呀!加洲卷都幾豐富，玉子Size都唔細架，我倒啲Wasabi豉油一齊食，好味呀！熟食方面，金菇牛肉卷我都中意，細細條，肥美既肥牛包住啲金菇，份量唔算多，但汁濃，夠Juicy！金菇食完唔痴牙架喎，唔知用咩金菇架呢？呢度有個幾特別既Menu，就係有埋泰國野食！好想見放題有泰國野食架！泰國炒粉絲堅係好味！粉絲炒得有鑊氣又香，幼幼的粉絲，加上蛋，火腿（火腿炒得特別香）我好快一口氣已經食晒！再Encore多一碟tim！飛天通菜本
先叫刺身，因為唔係太餓，我地都好細食XD呢度上菜快而準，完全無漏單！章紅魚好新鮮，略帶少許腥味，但我覺得有腥味先夠貼地！三文魚出奇地滑，肉質又滑又肥美，似是三文魚腩位的。赤蝦夠晒大隻，肉質好鮮甜，蝦肉爽滑！壽司方面，同事們都叫左唔少啊！黑松露系列的我最中意，本來無乜味既壽司加上左少少味，最好味係油甘魚壽司，帶少少甘味！京蔥和牛卷賣相好靚，和牛是入口融個種，但係有少少生，帶少少辣。芝士鰻魚卷既芝士用火槍燒過，係融與唔融之間，配合埋鰻魚正呀!
加洲卷都幾豐富，玉子Size都唔細架，我倒啲Wasabi豉油一齊食，好味呀！熟食方面，金菇牛肉卷我都中意，細細條，肥美既肥牛包住啲金菇，份量唔算多，但汁濃，夠Juicy！金菇食完唔痴牙架喎，唔知用咩金菇架呢？呢度有個幾特別既Menu，就係有埋泰國野食！好想見放題有泰國野食架！泰國炒粉絲堅係好味！粉絲炒得有鑊氣又香，幼幼的粉絲，加上蛋，火腿（火腿炒得特別香）我好快一口氣已經食晒！再Encore多一碟tim！
飛天通菜本來無諗住叫既，但係偷聽到隔離枱話好味，於是就叫一個試下，個菜炒得幾好，幾香，其實係少少馬拉盞既味道，但唔算好辣，岩晒我！燒菠蘿好甜，忍唔住食左幾片。雞軟骨炸得燶左少少，但炸粉唔多，都算皮薄，上面仲有少少七味粉吊一吊個味！
店員們收碟，執枱都好快手，就算我地坐到最後面都無忘記我地！好多放題lunch可能都無咁多野食，總會收埋啲啲落單紙，但呢間無，坐得幾舒服，冷氣又夠，下次星期六半日工後唔知食咩好都可以encore呀！
張貼
