浜滝 (已結業)

由細到大我都唔係一個運動人，但無奈氣管唔好，身邊人都叫我試下行山，每年一度的公益金百萬行又黎啦，而咁岩老公的公司又有參加，又有得做慈善又可以做運動，何樂而不為呢行完百萬行就落番銅鑼灣行街街，行到咁上下就去左食街電氣道搵食啦餐廳走輕鬆風格，全部都係高枱，牆上放左好多時令推介食品，有點似居酒屋除左拉麵，仲有好多佐酒小吃，酒的類別都有不少喔，既然牆上的都係時令食品，我地都叫左唔少黎試試火炙平目魚邊 ($88)平目魚邊卷成花一樣，輕輕將其火炙，中間放有WASABI及蔥粒配食，食落口感淋淋，而且魚味突出日本阿波尾雞手羽 ($56)店員推介我地試試呢個新出的雞翼，來自德島縣的名物阿波尾雞，屬於走地雞，肉質嫩滑，低脂且充滿彈性，經油炸過後，肉汁依然豐盈，炸皮做得極薄，剛好包著整隻雞翼，完全唔會有油膩感日本沙甸魚釀明太子 ($78)明太子即是鱈魚卵，將其釀入沙甸魚令我諗起代母產子，來自鱈魚的卵，然後放到沙甸魚的身上，呢個諗法可能有點奇怪，哈哈，唔緊要，好食就可以了，明太子豐富了沙甸魚的味道跟口感，呢個食法十分特別日本黑豚腸 ($48)將黑豚腸切十字再拎去燒，就會變到八爪魚咁，賣相可愛，黑豚腸口感實淨，