Dabyida Restaurant and Bar (已結業)

經朋友的推薦，我同朋友相約在這裡一齊食lunch。一入到黎個環境非常唔錯，餐廳裡面播住輕鬆舒服的音樂，燈光好有格調，令人從疲憊中有一點放鬆。我同朋友叫了兩個lunch set。要特別講下，呢個係semi-buffet lunch，所以佢個appetizers 係自己岀去任夾，可以自己選擇，自由配搭，非常特別。當天的餐湯係甘荀忌廉湯。呢個甘荀忌廉湯有好濃郁的忌廉味，個甘荀味亦好香，仲有d甘旬粒，口感十足，味道非常好。餐包好特別，同一般餐包唔同，佢夾左小小辣椒乾，食落特別香，亦好特別。主菜嗌左一個是巴馬火腿磨菇意大利飯和酥炸米蘭式西班牙黑毛豬。不得不讚呢個酥炸米蘭式西班牙黑毛豬，佢個汁好香，個汁有d紅椒青椒洋蔥，好惹味，個汁加上酥炸個種脆，啱啱平衡翻個口感，好正。 個豬扒外脆內軟，好juicy，好高質。仲有沙律配左黑醋汁 好新鮮同爽脆。而個意大利飯軟硬適中，一入口味道濃郁，啖啖都係巴馬火腿的味道，有種食唔停口的感覺，個濃郁度啱啱好，唔會好膩。飲品就嗌左凍檸水同凍檸茶。整體而言，今日享受左一個高質愉快的午餐，下次會再黎。