HASH CAFE (已結業)

去朋友屋企玩就隨便落附近商場食，比朋友帶我食好野。真係尷尬，但呢間天水圍餐廳又幾好食。呢間井茶令我意外驚喜。價錢平的大眾的，則意外好食。但貴的 水準一般。我朋友食西冷肉眼牛排配薯條。份量充足，可能太少人在餐廳叫排食，不是餐廳重點推介，所以大眾水準。而我為了保護朋友錢包，叫個平實的海蝦滑蛋食。外表類似蛋包飯，但重點在於滑蛋非常好食，食得岀廚師在滑蛋下了夠份量的功夫，蛋不太熟，應該加了淡忌廉，慢火輕推，沒有甚麼特別調味，保持蛋的原味。配上珍珠飯。剛剛熟透的飯。時間控制有水準。海蝦大大隻又乾淨，通透彈牙。加杯甜酒熱咖啡，幾特別，香濃酒香味，輕微甜味，沒有覆蓋咖啡原味。不夠喉？ 叫多個小食 甜薯條配芝心雞翼。冷盤軟殼蟹沙律。餐廳食柚子漿汁，健康飲食，雖然有點甜，柚子汁過了火，但軟殼蟹原隻上，非常香脆。