凱天餅店

營業中

休息中

難得入元朗，周圍行下，路邊果檔好新鮮，好似去咗旅行咁，對面麵包小店傳嚟陣陣香，所以又行過去睇下，見倒麵包好新鮮，而重點係平，喺尖沙咀消費太多，平時食開over 10蚊細細個麵包，而家見倒幾蚊個仲要好多選擇，明明好飽食唔落都要買走返屋企做宵夜。見倒櫃有款寫住QQ, 7蚊3個，其實唔知係咩，朋友話應該係麻糬，其實我一向都有食開連鎖店嘅麻糬波波，雖然呢度無多款囗味選擇，不過大個啲同平好多，所以就買咗嚟試。返到屋企雖然係用膠袋入住3個QQ,不過都聞倒好香，7點食完飯，9點幾嚟個輕食宵夜差唔多，咬落煙煙韌韌，囗感幾好，中間有少少芝麻，所以幾香，雖然外表比連鎖店大個，不過中間係空心，所以唔會好飽，當小食or宵夜係幾好。