大越

早幾日天氣潮濕悶熱，個人冇乜胃口，想搵啲開胃少少嘅嘢食吓。

醒起樓下商場有間越南菜，好似越南菜比較開胃，就過咗去食了。

雖然已經下午茶時間，但好似都幾多客。

冇乜胃口嘅時候最好就係食撈檬～
我叫咗個春卷撈檬，仲加咗兩串串燒。

撈檬用加埋個甜酸汁先好食。
配料有好多菜絲、花生粒等等，食落爽口。

春卷撈檬

春卷都好食，但餡料味道偏鹹，要食返幾啖麵中和返。
另外估唔到串燒都幾好食。我叫咗一串牛肉一串豬頸肉，牛肉肉稔，咬落去都多肉汁；豬頸肉多爽口多汁。

串燒

飲品揀咗薄荷青檸梳打，食完飲完舒暢返了～

薄荷青檸梳打

不錯的越式餐廳，下次會再嚟。