一起果醬 (已結業)

星期五又係美好的一天,早左放工,先去剪頭髮再同朋有食生日飯! 因為朋友中意食西餐所以book左間西餐廳😋間嘢門口好靚,好有仙氣😛加埋四個女仔岩岩好! 一入到去見到勁多人就知冇去錯! 入到去我地被安排坐係窗邊,環境一流👍🏼我地因為太肚餓所以叫左好多嘢, 首先叫左士多啤梨燒豬肋肉,配士多啤梨醬好特別再加上個肋肉適中,唔錯唔錯😊特別介紹慢煮厚切安格斯西冷扒約克配玫瑰蘋果汁,呢個一定要試,肉好多層次,再加上最後好似融化左咁一定要試!! 玫瑰蘋果醬單骨雞翼,d醬好似融入左落隻雞翼度,甜甜地唔錯👍🏼另外都叫左個黑松露野菌意大利燴飯同黃金蟹肉軟殼蟹意粉,普普通通但都幾好食! 最後一定要推介’熱的玫瑰蘋果茶’ 佢個玫瑰味同蘋果都好香,最適合臨瞓之前飲! 當然要試埋佢地d特色甜品😋我地叫左果醬九宮格多士同果醬雪糕窩夫餅,都唔錯👍🏼食到真係好飽,值得再黎,不過建議早d去因爲真係幾多人!