城市匯 (已結業)

難得忙完一星期工作，唔想再困住係有冷氣的室內地方，所以自然唸起可以去野餐，但一唸起又要買野食整，又要帶餐具，帶飲品，帶餐墊等，好快就打消念頭。突然我朋友搵到一間餐廳幫你準備哂野餐嘅野，有一個野餐嘅環境，俾你寫意地嘆個high tea，唔使行到妝都溶哂都未食得。經過室內嘅餐廳，就會到露天area，已經鋪左墊等我地啦! 環境真係無得頂，唯一要挑剔係會望到對面高樓大廈。我地picnic餐點到啦個野餐盒真係好靚作為港女影左一萬張相先開始食，已經忘記自己係一位吃貨，忘記要係食物一準備好就要食先係一種尊重不過我為左幫大家影食物相乍事不宜遲，由左至右咁食，左邊係一啲輕食，味道不錯，又做得好精緻不過到中間嘅主食就麻麻地，就算未飽都冇食哂。到最後high tea不能缺少嘅甜品，賣相都不太吸引，食落都有一樣感覺。不過，環境真係差不多滿分，輕輕鬆鬆就可以同朋友坐係草地飲杯凍飲，食下野，傾下計，比起係冷氣下嘆三層tea set又係另一體驗。