杏甜品 (香檳大廈) (已結業)

前排行街想輕食，去左位於尖沙咀既Almond Dessert食自選$98 up lunch set，當中包括三文治一份、飲品一杯、迷你甜品一份。三文治：麵包可以三選一，可惜當日墨魚汁包已售罄，最後揀左皮塔餅。肉類七選一，另外可以加錢要多款/揀高質啲既食材，我揀雞胸片加煙鴨胸；至於醬料揀有機牛油果醬。整體黎講，皮塔餅外層有少少烤過，口感吾硬吾實；入面既雞胸片吾算太過鞋口，煙鴨胸會偏重咸味；加埋蕃茄、洋蔥、牛油果醬，食落幾flesh，感覺健康無乜罪惡感。+$20升級飲品 - 赤豆小丸子杏仁茶吸吸：大推飲品，作為紅豆愛好者必之選。赤豆同杏仁茶味道好夾，飲品充滿兩種甜味，同時吾會cover左。杏仁味好香，飲落又多滑，仲有赤豆同小丸子咬下，多重口感，值得試飲啊！迷你甜品 - 迷你3.6牛乳雙皮奶：雙皮奶口感好滑口，入面充滿牛乳香味，甜味不算太重。+$15追加迷你甜品 - 迷你芒果布甸：淨食一個迷你甜品吾夠喉，所以加錢要多杯。依款甜品賣相精緻，上層既芒果肉甜甜地，而布甸同樣地滑口，有淡淡芒果香味。