卡邦尼小館 (已結業)

平時夜晚經過經常見到坐滿客人，還是頭一次中午時間經過，見人少少入去食返個茶餐先， 佢哋嘅茶餐都有幾多款式而且價錢仲十分經濟添跟餐加咗十五蚊可以升級做 龍蝦湯， 是一種比較濃味既餐湯， 帶點鹹味 和海鮮味夾雜著 鮮甜嘅龍蝦味。跟餐加15蚊亦可升級做caesar salad， 芝士麵包糠加新鮮嘅生菜， 可以清清味覺嘅感受。脆卜卜嘅餐包 食嘅過程可以沾點餐湯 一齊食 是一個非常好嘅配搭。煮菜點左黑椒牛仔骨跟 薯菜 ，賣相很吸引呀 五成熟嘅牛仔骨 ，咬落口感鮮嫩。 黑椒汁也不會太辛辣不吃辣的朋友也可以不妨嘗試。另外點了羊架配意粉 ，羊架點了七成熟， 剛好不會太韌，口感也很嫩滑。意粉 是先用蒜蓉輕炒了一點， 軟硬適中帶點蒜香味， 味道不錯。