影片
更多
2012-10-10
10 瀏覽
7月10日, 滑滑呀嘟嘟似豬膏咁滑~~~ 腸粉就最緊要夠滑~ 其次就睇埋餡料夠唔夠特別! 我同呀比都好鐘意食腸粉, 成日都會去搵下d特別腸粉食~ 當中就數佐敦堂記印象最深刻… 而太子就竟然開咗間叫自己做第一腸粉嘅腸粉專門店!平日夜晚, 店外架起排隊欄杆, 但店內其實只得一枱客, 我地就一於入去探下虛實~::: 招牌第一拉腸 ::: $19叫得做招牌第一拉腸就梗係要叫嚟試下啦! 由於佢地聲稱腸粉都係即叫即做, 所以落完單都要等一陣先有得食. 腸粉份量的骰, 上枱時夠晒熱辣辣! 所謂招牌第一餡料其實就係菜甫肉碎, 聽落都幾新鮮特別嘅~ 腸粉皮都幾透薄, 隱約會見到裡面嘅菜甫肉碎餡, 咬落都算爽滑. 不過菜甫肉碎同腸粉之間嘅化學作用唔大, 菜甫肉碎鹹得嚟感覺硬係好似應該送飯或送粥咁…::: 薑汁豬潤拉腸 ::: $19薑汁豬潤腸比招牌第一拉腸味道更好~ 而且真係比出面d豬潤腸優勝! 優勝嘅地方係因為佢陣濃濃嘅薑汁味! 薑汁唔單止闢走豬潤嘅腥味, 仲吊起晒豬潤鮮味~ 如果個豬潤質地可以再沙d就更好食喇~::: 鴨腎菜乾豬骨粥 ::: $20菜乾豬骨粥顏色都幾深, 證明d菜乾精華都溶晒入粥度,
::: 招牌第一拉腸 ::: $19
叫得做招牌第一拉腸就梗係要叫嚟試下啦! 由於佢地聲稱腸粉都係即叫即做, 所以落完單都要等一陣先有得食. 腸粉份量的骰, 上枱時夠晒熱辣辣! 所謂招牌第一餡料其實就係菜甫肉碎, 聽落都幾新鮮特別嘅~ 腸粉皮都幾透薄, 隱約會見到裡面嘅菜甫肉碎餡, 咬落都算爽滑. 不過菜甫肉碎同腸粉之間嘅化學作用唔大, 菜甫肉碎鹹得嚟感覺硬係好似應該送飯或送粥咁…
::: 薑汁豬潤拉腸 ::: $19
薑汁豬潤腸比招牌第一拉腸味道更好~ 而且真係比出面d豬潤腸優勝! 優勝嘅地方係因為佢陣濃濃嘅薑汁味! 薑汁唔單止闢走豬潤嘅腥味, 仲吊起晒豬潤鮮味~ 如果個豬潤質地可以再沙d就更好食喇~
::: 鴨腎菜乾豬骨粥 ::: $20
菜乾豬骨粥顏色都幾深, 證明d菜乾精華都溶晒入粥度, 啖落有陣菜乾甘甜味, 仲有成條豬骨比你吮, 不過就無乜味, 仲有些少碎骨… 粥底方面半身唔算好綿, 鴨腎亦都切成細細粒, 食到都唔覺嗰隻. 成個粥整體味道偏清淡, 當清下腸胃食都ok嘅~
::: 豆漿 ::: $5
豆漿飲落都有淡淡豆味, 但質地較稀, 似係溝咗唔少水… 勝在夠凍, 送熱辣辣嘅腸粉啱晒.
其實講到腸粉第一, 點講都應該係堂記更高一班~ 不過觀乎呢帶, 一間四正又唔貴嘅腸粉專門店又真係有佢嘅賣點嘅! 雖然唔算超好食, 不過都係腸粉癮起時一個好去處~
張貼