富記粥品 (已結業)

呢間富記雖然唔多顯眼，但其實已經40年歷史了。呢排食得大餐多，決定食碗粥清下腸胃，知道富記開到十一點幾（都算幾夜），就去食碗粥。當時係星期日的十點幾，食晚飯的人都走得七七八八，店內都空空如也，剩返我一個客。皇天不負有心人，竟然俾我叫到最後一碗粥！…碗生菜鯪魚球粥好快到，最後一碗都唔會裝得唔滿，係幾乎滿到瀉…好足料，鯪魚肉唔會落得太多胡椒粉而遮左d 鮮味。生菜絲都好多，夠鮮嫩。粥底軟綿，又唔會過鹹，食完無口渴，果然是信譽良好的老字號！