Layback Cafe & Bar (已結業)

上星期五放工就同好姊妹去尖沙咀寶勒巷傾下計食下飯，我哋就上openrice search 餐廳，就畀我哋搵到 layback cafe & bar，睇下 openrice裏面介紹啲環境好舒適， 應該都好適合傾計就食飯嘅地方。我哋就去到餐廳時見到都有少女姊妹團， 斯斯文文一邊傾一邊食。我哋梗係唔執輸，打開餐牌裡面有好多款式選擇，今次軟殼蟹王上身， 我哋叫咗 明太子炸軟殼蟹忌廉芝士意大利粉及牛油果軟殼蟹漢堡配薯條，來一個完全軟殼蟹之夜。明太子炸軟殼蟹忌廉芝士意大利粉， 明太子及芝士比例適中， 軟殼蟹炸粉很薄，而且香脆可口， 意粉彈牙，價錢合理。至於牛油果軟殼蟹漢堡配薯條， 牛油果剛剛熟味道超正， 軟殼蟹仲好大隻， 成個漢堡都好巨型， 根本冇辦法可以用口一次過食曬， 唯有分開食但係未到依然很好。跟住我仲好浪漫地兩個share一個玫瑰茶，飲食開心，傾得愉快。