軒尼詩冰廳 (駱克道) (已結業)

今日遲左收工，係公司附近食餐便飯，經過呢間冰室好似幾附小菜選擇。坐低同同事叫左3款小菜食👍🏼估唔到咁驚喜有鑊氣。。小菜配白飯及例湯 另+$12蚊，凍飲就加$9，叫左「軒尼詩小炒皇 $85」超推介呢個！勁好食，料又多，有腰果、魷魚、菜莆、韮菜花、炸蝦乾… 餸飯一流。「香煎芺蓉蛋角 $76」蛋有少少流汁，時間整得岩岩好，夾起身舊舊蛋都有料！「椒鹽豬扒 $80」炒得唔算好乾身，但原來咁先正，肉汁鮮嫩，大大舊，有骨既位置會切細舊啲方便食🤭。冰室都有好食既小炒👍🏼👍🏼