鮨石 (已結業)

尖沙咀寶勒巷，近K11 art mall有間omakase，喺地舖好易搵。舖頭大概有八個座位，燈光柔和。今日菜單係ishi，有三款sashimi，炸物，燒物，七款sushi，甜品。開始係三片薄片深海池魚，好清甜。sashimi 有象拔蚌, 自家製魚子，粉虹色白子，最有印象係象拔蚌好脆口。熟食慢煮獅魚，外面燒香，魚身好軟熟。sushi 包括真鯛，北海道赤貝，地金目，毛蟹，獅魚，秋刀魚，鯖魚，當中赤貝爽到不得了，秋刀魚師傅切到好似車輪咁，佢話呢種刀法會增加口感。鯖魚壽司好新鮮，由於質素幾高，另外追加白海膽壽司，每件海膽好厚身，師傅話要喺日本拍賣返嚟。