美心MX (已結業)

是日一落火車, 感覺已經冇乜就腳既食早餐地點了, 就決定行上來車站的美心, 食連鎖快餐. 不過, 食食下, 因為太過就腳啦, 所以變成我既早餐食堂. 每日都食差不多同款的東西, 一塊扒, 一件蘿蔔糕, 一舊炒蛋, 一杯奶茶. 看完亞台的節目後, 我大概放棄了公仔都早餐, 改食扒餐, 感覺的確良好多了. 而且, 此店人流非常之多, 好多新界出旺角的上班一族, 都是係呢一度, 輕鬆多半個多小時. 一上樓梯, 就要排, 排隊俾錢.已經成為我的方便飯堂的美心, 每日食既東西都大同小異. 所以, 呢一個食評, 就只點評此美心給我的第一個感覺. 而第一餐, 就是上述的一塊扒, 一件蘿蔔糕, 一舊炒蛋, 一杯奶茶. 新鮮嫩滑的雞扒, 加上燴汁, 食落完全唔覺有硬塊. 嬌嫩, 入味, 好食. 而炒蛋, 是永遠的一個讚, 炒得半熟, 蛋味香, 食落有啖啖的蛋汁. 是一絕的手藝, 果然如我在多年前的味千食評所指, 不同的分店, 不同的廚子, 會令食物既質素, 大所不同.改日食糯米雞, 也有不錯的味道.方便就腳, 食物質素又不錯. 吸引到我, 日日咁停下來, 食返個靚靚早餐才去為生活而忙碌.