十兄弟車仔麵 (已結業)

作為喺灣仔工作嘅奴工，灣仔大街小巷嘅食店幾乎俾我食過晒。要揀間抵食又好食嘅，真係唔易，十兄弟車仔麵係我推薦，又抵食又好食之選。💟自選車仔麵🧡蠔皇紅燒鮑魚（兩隻）(皇牌必食推介）呢個鮑魚係必叫㗎！！！鮑魚肉質肥美，入口口感煙韌爽滑，真係平民豪華之選！🧡勁腍牛仔筋（皇牌必食推介）牛筋夠晒粗壯，原條奉上，好有膠質，又軟淋淋有彈性，充滿牛香！🧡柱侯牛坑腩(皇牌必食推介)牛腩少有咁經過慢煮，非常軟滑，入口即溶，而且柱侯煮得夠入味。🧡五香金錢肚（皇牌必食推介）金錢肚唔會死咸，咬口爽腍，非常惹味。🧡鮮製油麵油麵就係車仔麵嘅始祖。呢個新鮮嘅油麵食得岀蛋香，整體食落好滑，一大啖喺個口裹面就形成大滿足嘅感覺！總結，呢檔車仔麵簡直是車仔麵嘅模範，灣仔奴工必食推介！