影片
更多
2002-12-21
5 瀏覽
去奧海城買飛睇戲，唔知食乜好(One One Pasta就米攪我喇！)，見呢度坐得都幾舒服，便入o左去試；感覺沒有其他食評所講咁差，仲幾抵食添！我地冇叫到個$7x o既set dinner，因為見到個display既set dinner D賣相好弱；尤其係個西冷牛扒，完全唔掂。終於，男友叫o左個焗豬扒飯；而我，叫o左個$8x 自選意粉套餐，好似食車仔麵咁，自選三種配料、自選sauce和自選意粉的種類，就叫佢做車仔意粉吧！我揀o左帶子、broccoli同雜菇，配spinach cream sauce，意粉係angel hair，味道都唔錯；至於個焗豬扒飯，好大碟，D豬扒都夠'林'，味道okay。因為兩個order都係set，所以一樣有湯、甜品和餐飲；雖然個甜品幾差(o個pat話係芒果布甸o既物體只有大菜糕味)，但係兩個人埋單加一後都係$18x，waitress仲醒o左張二百幾蚊o既單我地claim泊車添。其實以呢個價錢，食物o既水準當然唔可以同Sabatini、Toscana比；或帶住食Spaghetti House咁o既心態，大家會冇咁失望吧？！
我地冇叫到個$7x o既set dinner，因為見到個display既set dinner D賣相好弱；尤其係個西冷牛扒，完全唔掂。終於，男友叫o左個焗豬扒飯；而我，叫o左個$8x 自選意粉套餐，好似食車仔麵咁，自選三種配料、自選sauce和自選意粉的種類，就叫佢做車仔意粉吧！我揀o左帶子、broccoli同雜菇，配spinach cream sauce，意粉係angel hair，味道都唔錯；至於個焗豬扒飯，好大碟，D豬扒都夠'林'，味道okay。因為兩個order都係set，所以一樣有湯、甜品和餐飲；雖然個甜品幾差(o個pat話係芒果布甸o既物體只有大菜糕味)，但係兩個人埋單加一後都係$18x，waitress仲醒o左張二百幾蚊o既單我地claim泊車添。其實以呢個價錢，食物o既水準當然唔可以同Sabatini、Toscana比；或帶住食Spaghetti House咁o既心態，大家會冇咁失望吧？！
張貼
