FOMO Cafe & Lounge (已結業)

作為一個現代化嘅女性，身材管理係絕對不可缺少嘅日常。但係就算身材管理之下，都要盡可能去嘗試美食，經過朋友嘅介紹，發現呢間餐廳不單止健康而且口感豐富🥰所以就要慕名去試吓。我未收到店員嘅推介，叫咗呢一個邪惡嘅蝦多士配上豐富嘅蜜糖。雖然佢個外層炸到非常鬆脆，配上甜而不膩嘅蜜糖，睇落好似好唔健康咁，但係店員就偷偷地同我哋講佢哋嘅蜜糖係好天然嘅👍🏻😍跟住之後就係邪惡嘅黑松露沙律醬配洋蔥圈，可愛又鬆脆嘅外型，一開始係諗住打卡嘅，但係佢嘅口感絕對肥咗個驚喜我哋🤤同場加映嘅仲有香茅雞翼，好耐冇食過嘅香茅雞翼，佢煮到好成功咁鎖住啲肉汁係極度鬆脆嘅外皮之下👍🏻最後我哋以贖罪嘅心叫咗田園沙律配煙燻三文魚，充滿少少鹹味嘅三文魚，配合各種各樣嘅蔬菜🥬包括有青瓜，洋蔥，粟米粒同埋健康嘅芝麻醬🥳希望可以減輕我哋食咗咁多小食嘅罪惡感。