Bespoke (已結業)

最近因工作不順而心情低落，縱使因壓力大而不停四出尋吃仍未能平服。當你既人生只有食野時先可以感到幸福既時候，對質素就更有要求，毫無疑問，呢度係有質素既幸福小店。話說九龍灣係個好奇怪既地方，一馬路之隔一邊係舊工廈，一邊係甲級寫字樓，連帶食店都就返個grade黎開，好怪。作為打工仔加係工廈個邊返工既我，對呢邊既廉價lunch很是感恩，但亦不忘在出糧日對自己好一點！在我第一次出糧時就決定要食好d慰勞自己，原本是想去地標mega box食咖喱的，無意路過這店，原以為是普通cafe, 進內看到是日式餐廳，立刻勾起我的興趣。這裡似快餐店形式，先在外order, 再取order牌自己選位置坐下等食物送上。Meun只有英文，推介在買正餐時同時以半價買湯，這裡的湯水準十足，而且很有份量！怕肉少不夠飽的人加湯肯定可大滿足！烏冬比較普通，湯底不會比專賣烏冬的店就得好。個咖喱飯睇落唔靚，但係食落會覺得健康又好味，配紅米飯非常夾。蘑菇湯菇味濃郁，每啖都有蘑菇粒粒，香滑之餘唔會覺得漏。食物既變化雖然不大，但次次食完都覺得好滿足！係我呢區至愛既餐廳之一~