餐廳環境係悠閒渡假風，以白色為主，頭頂有水晶燈作裝飾。有戶外位，但單車不可入內，可泊外面睇住。
嗌左Set A（4道菜）$298 + Set B（5道菜）$398 ，2個餐share 食。另外openrice 消費滿$600有得送黑松露忌廉鮑魚一客。我地仲嗌多左盤生蠔，做緊優惠$380 有半打，服務員話遲d 黎都賣哂，又的確，蠔肉飽滿，好creamy 好好食！
法國 50%鵝肝慕絲榛子醬多士伴紅菜頭洋蔥
多士配鵝肝mousse 係perfect match!
風乾火腿凱撒沙律
材料豐富👍
香草蒜茸牛油焗法國田螺
有3隻，焗得好入味，好食。
法國洋蔥湯
我好鐘意飲洋蔥湯，鮮甜暖胃。
匈牙利牛肉湯
呢個勁多牛肉粒喺入面，味道同羅宋湯有d 相似。
烤美國安格斯西冷牛扒配紅酒燒汁
有陣陣炭香，味道幾好，牛肉係5成，屬於低脂肪牛肉。
烤西班牙橡木菓黑豚扒配蘋果燒汁
黑豚扒烤得剛好，口感一流，配埋甜甜的蘋果燒汁解膩。
甜品（雪糕．芝士蛋糕．馬卡龍）
呢個拼盤味道就正常啦。
食評總結：餐廳食物有心思，戶外坐位望住沙灘好chill，服務員態度好好，最推薦生蠔，因為蠔肉非常飽滿同新鮮，係我食過暫時最滿意既生蠔。
