萬家燒餅皇 (已結業)

作為MK路痴，要係MK搵一間指定食肆對我黎講係有很高難度的，今日同朋友行MK，佢本來想去潮流特區，點知行錯路，反而誤打誤撞俾我見到一直都好想試的萬家燒餅王！真係好Lucky！好彩係紅蔥頭無乜食野，仲可以容納到其他食物姐要左一個牙擦酥同燒餅王，燒餅王太大個，我自知一定食唔晒，所以買返去俾媽媽聽日做早餐（老闆話可以留到聽日食！），自己係淑女餅同牙擦酥之間掙扎左一陣，都係決定要甜的牙擦酥！牙擦酥雖然唔熱，但係酥皮好鬆化，一路食一路有酥皮跌出黎，有Ｄ狼狽，不過好正！豆沙餡好多，一口酥一口豆沙，同酥皮好match，可能因為自己嗜甜啦，都係覺得酥皮同甜餡襯Ｄ！因為我成日覺得豬肉餡會搞到個口好大味如果佢係熱辣辣的，我一定會俾5分佢嫁！仲有好多款，全部都想試，尤其係三寸金蓮（因為好耐無食過沙翁喇！）早知係咁就唔食飯啦！老闆好好人，我問佢淑女餅係咩味，佢好nice咁答左之後，我決定要牙擦酥，佢好親切咁問我知唔知牙擦酥係豆沙餡的，好好人呢！下次去MK必定encore！