勝面 (已結業)

好耐之前已經聽講過朗豪坊開咗一間台式麵，呢間勝面係來自台灣嘅過江龍。入邊都算有幾多嘢食，款式包羅萬有，仲有嘢飲添。我哋叫咗一個涼拌豚白肉，有別於港式嘅蒜泥白肉，呢一隻豚肉係落咗特製嘅台式蒜油，雖然味道唔算好濃，但係都幾香口。另外叫咗一碗台式甜不辣花枝丸滷肉飯，花枝丸炸得非常香口，夠大粒咬落好彈牙。外層薄薄嘅一層胡椒粉非常惹味。甜不辣都整得有板有眼。再嚟多碗台式鹽酥雞滷肉飯，鹽酥雞係即炸嘅，又熱又香，鹹鹹地非常入味。一碗滷肉飯入面都有成六至七舊鹽酥雞，好抵食。食完仲未夠喉，叫多咗一份無骨鹽水雞黎食，鹽水雞味道相對清淡，佢落咗一啲麻油落去拌，雞味都幾突出，不過如果再重味啲會更好食。最後不得不讚一讚佢嘅嘢飲，真係整得好好飲而且茶味都幾夠！