角落咖啡廳 (已易手) 新餐廳

生酮全日早餐（單點$168），好豐富，意大利煙腩肥瘦相間，油脂味濃，食落好香口；慢煮烤雞胸肉質嫩滑，有黑椒調味；煙三文魚味道咸香；芝士扒大菇食落好Juicy；忌廉炒蛋口感滑溜，蛋香味濃；牛油果、羽衣甘監沙律、車厘茄食落好新鮮。金箔蟹膏蟹肉意大利飯（單點$148），表面鋪有金箔、蟹膏、蟹肉，意大利飯口感煙韌，飯粒之間有蟹肉，食落好有鮮味。生酮芝麻巴斯克芝士蛋糕（單點$68），芝麻味道較淡，芝士蛋糕口感綿密，味道正宗。生酮焙茶蛋糕（單點$58），奶蓋焙茶卷蛋，採用椰子粉替代麵粉，表面鋪有草莓、藍莓，奶蓋口感細滑，蛋糕口感濕潤、軟熟，內有焙茶忌廉，茶味濃香。大杯熱抹茶拿鐵（跟餐$26），好得意，Café因應就尼聖誕節，整咗個靚靚雪人拉花，真係好有聖誕氣氛，口感幼滑，抹茶味道濃厚帶甘、不甜。凍草莓荔枝綠茶（單點$52），表面鋪有草莓果乾，荔枝綠茶味道淡香，飲落好清新。