影片
更多
2019-06-23
94 瀏覽
平時週末會同女友入西貢，上網發現西貢附近既白沙灣有一間戲劇餐廳。自己從未聽過戲劇餐廳，但覺得非常特別，決定帶女友探索一番。入面環境非常舒適，我地安排左坐係吧抬，可以同師傅有更多交流，師傅除左講解食材來源外，更會教我食物既日文，互動性高。第一道菜包括三款前菜，右邊係高知縣千良茄子，左邊係中吞拿魚tataki ，中間就係北海道帆立貝醬油。日本人對食物非常講究，一定由淡食到濃味，所以食既次序為茄子，tataki，帆立貝。另外花瓣係可以食用。以免客人等得太耐，師傅額外送上梅酒浸車厘茄，呢個小插曲令我喜出望外。之後就係兩點刺身，分別係小長井生蠔同北海道牡丹蝦。食既次序一樣由淡至濃，所以先食蠔再食牡丹蝦。北海道牡丹蝦上面係法國魚子醬，加上金箔更顯奢華。蝦身晶瑩剔透，估唔到口感相當彈牙。至於小長井蠔比較簿身細隻，帶微甜更清爽，唔會有太重金屬味。另外肉質結實。第三道菜係子持魷魚，子持意指砣住bb既魷魚，所以入面有BB春，一煮變成啫喱狀，師傅話要係北海道以東海面先捉到，非常珍貴。煮既時候用特別醬汁，魷魚索曬醬汁，好夠味，但唔會煮得大耐而蓋過魷魚鮮味。另外魷魚軟熟兼爽口。第四道菜係燒物。見住師傅原條燒真係
入面環境非常舒適，我地安排左坐係吧抬，可以同師傅有更多交流，師傅除左講解食材來源外，更會教我食物既日文，互動性高。
第一道菜包括三款前菜，右邊係高知縣千良茄子，左邊係中吞拿魚tataki ，中間就係北海道帆立貝醬油。日本人對食物非常講究，一定由淡食到濃味，所以食既次序為茄子，tataki，帆立貝。另外花瓣係可以食用。
以免客人等得太耐，師傅額外送上梅酒浸車厘茄，呢個小插曲令我喜出望外。
之後就係兩點刺身，分別係小長井生蠔同北海道牡丹蝦。食既次序一樣由淡至濃，所以先食蠔再食牡丹蝦。
北海道牡丹蝦上面係法國魚子醬，加上金箔更顯奢華。蝦身晶瑩剔透，估唔到口感相當彈牙。
至於小長井蠔比較簿身細隻，帶微甜更清爽，唔會有太重金屬味。另外肉質結實。
第三道菜係子持魷魚，子持意指砣住bb既魷魚，所以入面有BB春，一煮變成啫喱狀，師傅話要係北海道以東海面先捉到，非常珍貴。
煮既時候用特別醬汁，魷魚索曬醬汁，好夠味，但唔會煮得大耐而蓋過魷魚鮮味。另外魷魚軟熟兼爽口。
第四道菜係燒物。見住師傅原條燒真係非常壯觀。魚身比較簿，但非常鮮甜。整條魚食非常有滿足感。
食既時候加上袖子蘿蔔蓉係日本傳統食法，更提升魚既鮮味。師傅亦再介紹另一傳統食法，就係魚肉加少少魚鰭一齊食，魚鰭本身燒到好脆，痴左啲海鹽更加惹味。海鹽作用除左seasoning外，仲可以防止煮燶。
最後就係A4和牛稻庭烏冬，和牛來自熊本縣，係日本頂級和牛五大之一。雪花份佈好平均。麵條口感紮實，浸得耐仍然有足夠既Q彈感。和牛油脂出色，牛味濃郁。
師傅更分享一啲和牛有趣既養飼方式，包括聽音樂，做massage，甚至飲啤酒，同埋唔俾跑步，否則和牛肉質會變得結實。
最後以雪糕作結。無論質感味道都係一流。
呢一次既晚餐唔帶止品嚐美食咁簡單。透過同師傅既對話，自己更了解日本食物文化，食材既來源同其珍貴之處。菜色既呈現方式亦如餐廳名字一樣，開盒後先知食物係咩，充滿戲劇性。
張貼
