最近天氣轉涼，最岩就係打個煲，但雞煲都食到無咩新意，今次就試食蝦煲
呢間最近都幾有人氣，所以打定電話book定枱穩陣啲
一入去，就見到大大個魚箱，蝦勁新鮮，彈下彈下，都幾cute，而且蝦殼同蝦身好透，勁透明，就咁睇已經知啲蝦夠新鮮，同係靚貨色
蝦煲有好多口味，最後揀左奶油蝦
落左單，店員就會即刻去魚櫃撈蝦，蝦煲好快就上枱
可以見到每隻蝦都好飽滿，圍成一個圓環，賣相唔錯
而另一驚喜位係，隻隻蝦都有蝦膏! 超surprise
仲有2隻有蝦籽，都係第一次食，口感類似魚籽，都幾有鮮味
講返個醬汁，甜甜地同蝦味都幾夾，特別在襯埋洋蔥，甜味更獨特，去到最後食哂啲蝦，我地仲清埋啲洋蔥
今日主打係海鮮，所以仲有款生燒海花螺
我估計係先清蒸再燒香，所以花螺前部份燒香左，但內部仲好飽滿、彈牙，食得出又係好新鮮
差啲講漏左，每張枱都放有濕紙巾同細細個垃桶放殼
香蔥滷水炸大腸，呢款係是日推介，寫左係board到
本身以為係街頭炸大腸，最後發現更似潮式野
炸大腸輕輕一炸，
外皮微脆，所以腸仲係好彈同保持水份，主點係洗得好乾淨，無哂脂肪，食落零負擔
最後介紹返碟菜，羽衣甘藍
係新興既蔬菜，好似係長洲賣涼茶既鋪頭見過，都係第一次食
賣相加上栒子，色彩好鮮明，點紅點綠
質應好爽同脆身，菜汁甜甜的，第一印象唔錯
簡單講埋飲品，
薄荷檸檬梳打，2隻味道都特出，好fresh，配濃味食物起到解膩作用
鮮榨木瓜牛奶，都係是日推介之一，味道係超級天然，同盒裝真係2個層次，亦因為係鮮榨，所以會有少許泡同底部有少少榨，十分推薦
