樺輝記 (已結業)

💁🏻‍♀️路邊食大排檔真係童年回憶啊呀！不過呢排天氣又凍返，我哋最後都係決定坐返室內暖啲！🔸黑椒牛柳 💲128💁🏻‍♀️牛柳係牛柳粒，唔係牛柳絲，啖啖肉，仲有秀珍菇啊！配埋黑椒味道好滋味！上菜嘅時候，個鐵板仲係冒出煙霧，超級有鑊氣！🔸蟹黃蟹肉炒飯 💲98💁🏻‍♀️呢個炒飯好足料，最正係中間嗰一大舊蟹黃膏，我同朋友都食到舔舔脷！其實食完都已經覺得幾夠飽，早知叫多幾個朋友過嚟一齊食啦！🔸花膠海參扒時蔬 💲108💁🏻‍♀️嘩，好鬼豪華呀！餐廳好闊佬下，俾咗幾大舊嘅花膠我哋，啲花膠仲要發得幾冧身，海膽都有幾粒，配買蠔油汁好正！🔸樺輝記小炒皇 💲98💁🏻‍♀️呢個小炒皇認真足料，有花生芽、韭菜、蝦、乾、芋頭絲等等，擺落去米粉到撈埋一齊食，原來更加好食！🔸路邊炒米粉 💲78💁🏻‍♀️炒米粉個樣有啲普通，但係識落就知道好正！比我想像之中乾身，但又會有少少濕，唔會太過乾爭爭！📍新界荃灣路德圍運通洋樓地下M鋪