影片
更多
2023-06-19
513 瀏覽
收工同朋友係將軍澳食飯，經過見到呢間二人餐好似幾多野食揀，就揀食呢間🤪佢先上小菜，秋葵都頗辣，幾惹味，不過朋友唔食得辣，就建議佢唔好食。二人餐入面有燒烤類食物可以揀，呢個貌似筷子盒既東西原來係烤盆黎😂入面係有火酒膏燒熱左烘住的，不過都建議大家小心，唔好眼見無火就徒手掂落去，我朋友就係諗住tun開呢舊野跟住辣親手😂所以大家都要小心啲～燒烤類食物方面我地揀左燒雞翼，燒菠蘿，燒魚腐同埋燒雞軟骨，味道都剛剛好唔會過鹹，加分位就係佢有呢個烤盆烘住就唔會未食到果串食物時灘到凍左，一直都保持緊溫度👍🏻另外仲有兩隻蒜燒扇貝（掛住食無影相），扇貝鮮味唔算出，size較細。重頭戲烤魚～～～店員未上烤魚時已經好早幫我地點左火⋯但未有魚😂烤魚方面因為朋友唔食辣所以揀左酸菜味既清江魚，呢個湯都幾好唔會過油，酸味唔會太強，店員就有提及清江魚肉質比較實，我地都覺得唔錯，不過有個位想提及就係，啲魚一夾時都會有碎碎地既情況，但枱面一隻匙羹都無，我地要問店員拎先有，建議餐廳下次上魚時可以直接提供埋匙羹比客人😉最後呢個都係二人餐入面既item, 叫冰粉。我地落單時第一次聽，亦無圖所以唔知咩黎，上菜時原來係一舊透明啫喱（無味
佢先上小菜，秋葵都頗辣，幾惹味，不過朋友唔食得辣，就建議佢唔好食。
二人餐入面有燒烤類食物可以揀，呢個貌似筷子盒既東西原來係烤盆黎😂入面係有火酒膏燒熱左烘住的，不過都建議大家小心，唔好眼見無火就徒手掂落去，我朋友就係諗住tun開呢舊野跟住辣親手😂所以大家都要小心啲～
燒烤類食物方面我地揀左燒雞翼，燒菠蘿，燒魚腐同埋燒雞軟骨，味道都剛剛好唔會過鹹，加分位就係佢有呢個烤盆烘住就唔會未食到果串食物時灘到凍左，一直都保持緊溫度👍🏻
另外仲有兩隻蒜燒扇貝（掛住食無影相），扇貝鮮味唔算出，size較細。
重頭戲烤魚～～～店員未上烤魚時已經好早幫我地點左火⋯但未有魚😂
烤魚方面因為朋友唔食辣所以揀左酸菜味既清江魚，呢個湯都幾好唔會過油，酸味唔會太強，店員就有提及清江魚肉質比較實，我地都覺得唔錯，不過有個位想提及就係，啲魚一夾時都會有碎碎地既情況，但枱面一隻匙羹都無，我地要問店員拎先有，建議餐廳下次上魚時可以直接提供埋匙羹比客人😉
最後呢個都係二人餐入面既item, 叫冰粉。我地落單時第一次聽，亦無圖所以唔知咩黎，上菜時原來係一舊透明啫喱（無味的）再加啲糖水，紅豆，提子乾，山楂餅，白色果啲唔知咩豆。咁岩山楂同提子乾都唔係我心水🥲同埋透明啫喱口感亦都麻麻，所以食左少少就無食了。
除左甜品其他野食都好味的～下次可以再試下食辣味既烤魚😋
張貼
