蠔窩 (已結業)

要走在飲食潮流尖端，就一定要去黃埔新開的九號水產，佔地五萬呎，內有餐廳，水產專賣店，就算唔食野，只去影下相、行下街都一流。經過見到馬德鐘個頭像，原來馬德鐘又多開了一間專食生蠔的西餐廳，之前在尖沙咀食過他開的日式餐廳已覺不錯，見到他親力親為去廚房打點視察，所以對他開的餐廳的食材都有信心，生蠔最講求新鮮，馬生揀過的應該都有保證。叫了兩款不同的生蠔，分別是Sentinelle及Mauger，Sentinelle比較清淡，較大眾化的口味，Mauger則味濃、較重海水味，但兩者都十分之鮮味。黑白芝麻吞拿魚配腰果醬，半熟的吞拿魚片配上黑白芝麻，色香味俱備，芝麻的香味再加上腰果醬，味道不算濃，但卻十分之香，味道層次豐盛煙三文魚黑魚子多士，這則是比較濃口味的前菜，黑魚子矜貴，加少少已可增加菜式的鮮味與濃度。雜菌意大利飯，加入了不同的菌類菇類，充足的醬汁令每一粒意大利飯粒都飽滿入味，意大利飯硬度適中，保持了應有的口感咀嚼感。龍蝦意粉，用上半隻龍蝦，蝦頭部分保留了不少蝦膏，蝦肉爽口鮮甜，意粉加入了茄汁，顏色跟龍蝦匹配，令賣相更養眼。