九町屋 (已搬遷) 新店位置

星期日同老公去跑台山一間居酒屋食lunch。辛味軟殼蟹煎飯配肉醬汁底下既飯有煎過，脆脆地，軟殼蟹幾大舊，辣辣地，好香口，肉醬汁撈飯食好夾。牛肉壽喜燒鍋配米飯壽喜燒甜甜地，除左有幾片牛肉之外，仲有啲菜同豆腐，將隻蛋撈飯一齊食好正。九町屋香煎帶子腸呢個第一次食，表面係腸，一入口食到既係帶子，好特別。威士忌豚肉蔬菜薄餅薄餅好有和風味道，皮脆脆地，好足料。水蜜桃紅茶甜甜的，好解暑。黑莓果汁飲落有啲似利賓納。