影片
更多
2021-06-02
12 瀏覽
同足球迷朋友慶祝生日，就請佢黎呢間足球主題餐廳食生日飯，身為阿仙奴粉絲既佢，見到餐廳掛滿波衫，非常興奮。我哋假日中午去有lunch set可以選擇，當然亦都可以選擇散叫，食物嘅款式都幾多。我哋叫咗兩個lunch set ，另外叫咗沙律同小食蟹肉芒果木瓜牛油梨沙律好多蟹肉鋪咗喺面頭，蟹肉都幾鮮味，芒果、木瓜同牛油梨切到細細粒，方便入口，撈埋一齊食，味道清新，酸酸地幾開胃，天氣熱整返個沙律食就啱晒。法國鵝肝香蒜麵包鵝肝煎得啱啱好，表面幾香脆，裏面軟腍腍，啖啖油香，面頭有啲黑醋汁，酸酸甜甜，連埋香蒜麵包一齊食，食落冇咁漏。Lunch set包左餐湯同蒜蓉麵包，今日嘅餐湯係南瓜湯，南瓜味道幾濃，口感creamy。蒜蓉麵包軟熟，好香牛油味。Lunch set方面，我叫咗脆炸吉列美國大雞髀扒，雞髀扒大大塊，表面炸得香脆，吉列脆漿薄薄一層，唔會好油膩，雞髀扒一切開有肉汁流出黎，肉質軟腍juicy，點埋旁邊酸甜既沙律醬，食落冇咁漏岩岩好，配菜方面可以選擇薯菜/意粉/飯，我就揀咗薯菜，原來係紫薯蓉，口感軟滑得黎，都咬到少少紫薯粒，而且紫薯味都幾甜幾濃，唔錯~朋友就叫咗燒可持續石斑魚配法式龍王湯，試咗朋友
我哋假日中午去有lunch set可以選擇，當然亦都可以選擇散叫，食物嘅款式都幾多。
我哋叫咗兩個lunch set ，另外叫咗沙律同小食
蟹肉芒果木瓜牛油梨沙律
好多蟹肉鋪咗喺面頭，蟹肉都幾鮮味，芒果、木瓜同牛油梨切到細細粒，方便入口，撈埋一齊食，味道清新，酸酸地幾開胃，天氣熱整返個沙律食就啱晒。
法國鵝肝香蒜麵包
鵝肝煎得啱啱好，表面幾香脆，裏面軟腍腍，啖啖油香，面頭有啲黑醋汁，酸酸甜甜，連埋香蒜麵包一齊食，食落冇咁漏。
Lunch set包左餐湯同蒜蓉麵包，今日嘅餐湯係南瓜湯，南瓜味道幾濃，口感creamy。蒜蓉麵包軟熟，好香牛油味。
Lunch set方面，我叫咗脆炸吉列美國大雞髀扒，雞髀扒大大塊，表面炸得香脆，吉列脆漿薄薄一層，唔會好油膩，雞髀扒一切開有肉汁流出黎，肉質軟腍juicy，點埋旁邊酸甜既沙律醬，食落冇咁漏岩岩好，配菜方面可以選擇薯菜/意粉/飯，我就揀咗薯菜，原來係紫薯蓉，口感軟滑得黎，都咬到少少紫薯粒，而且紫薯味都幾甜幾濃，唔錯~
朋友就叫咗燒可持續石斑魚配法式龍王湯，試咗朋友仔少少，石斑魚外皮煎得香脆，肉質厚實冇骨，一啲都唔腥，龍王湯幾足料，飲湯嗰陣撈到唔少海鮮，個湯幾鮮味，同個魚一齊食幾夾，朋友就揀咗意粉作為配菜，係蕃茄意粉，意粉軟硬適中，沾滿蕃茄蓉，酸酸地幾開胃。
朱古力三重奏心太軟(另加$12配Dreyer’s雪糕）
女仔果然有兩個胃，食完咁多嘢都仲想食個甜品，心太軟外層軟熟，裏面都幾流心，朱古力味香濃，唔會好甜，配埋雪糕同忌廉一齊食個味道好夾。
午市套餐仲包杯餐飲，我哋都叫咗杯凍檸茶作為今餐圓滿嘅結束。
張貼
