Lockeroom Dining (譽發廣場) (已結業)

球迷必到打卡餐廳呢間lockeroom 開左幾間分店，用足球做主題，今次食呢間係油麻地譽發廣場樓上，星期日lunch time都唔少人。裝修同另外幾間相似，都係有唔少球衫同足球相做裝飾，球迷一定好有共鳴。芝士忌廉蕃茄醬燴美國黃油雞髀扒$78呢個係套餐，所以本身都有餐湯同蒜蓉包。蒜蓉包好香口，就咁食都好脆，餐湯係南瓜湯好濃味，而重點黃油雞髀扒好大塊而且配埋忌廉蕃茄醬好惹味。值得一讚係薯角炸得剛剛好，而且炒豆角俾意料中更脆同乾身，呢個價錢好抵食。香烤美國1885頂級牛肉眼扒$232我哋叫咗七成熟，肉質好鮮甜，而且大大塊，好厚身，咬落好滿足。煎得剛剛好，咬落去好有肉汁，而另外我比較欣賞係佢嘅薯蓉，似係用番薯整，比平時食開嘅薯仔薯蓉，更增添左一份甜味。新鮮水果茶$59今次想飲比較清新啲嘅飲品，就叫咗新鮮水果茶，佢係用百香果，所以飲落酸酸甜甜，而且仲有蘋果橙同青檸，就更加適合夏天飲，而且好解渴。