鵝記渣咋 (已結業)

在圓方睇完戲，慢慢行去搭車，經過廟街牌坊，見到呢間糖水店，門面平實，白底紅字，入內窄長一個櫃檯，地方光猛乾淨，裝修簡單，店內無客！自己揀個位坐低，餐牌食物款式唔多！我都係揀最出名！渣咋（$24）好快上枱，夠熱夠濃，好多款式嘅豆，自己好喜歡食豆，雜豆煲得透，夠淋，椰子味濃！唔止因為椰汁，更因為中間有加椰子肉！唔會過甜，仲食到材料原味！兩位阿姐店員爽手，工作勤快！喜歡中式糖水比較滋潤，秋冬食最好！