樺得園 (已結業)

星期六嘅九龍城真係好多人, 本來想去心儀嘅餐廳, 不過實在太多人排隊🥺 然後路過一個鐘前好多人嘅🔸W.. Burger🔸 發現唔使等位, 就拿拿臨入去試吓喇。餐廳有戶外位, 見到有人帶埋狗狗用膳, 而裡面就放咗好多唔同嘅Superhero模型做裝飾。不過環境有少少擠迫, 因為放得太多枱而個距離都幾近, 感覺會比較侷促。🍔 夏威夷牛肉芝士漢堡（100g)賣相好精緻, 有張好似報紙嘅紙可以比人包住食。漢堡包有美國純牛肉漢堡扒, 而配料就有菠蘿, 紫洋蔥, 酸瓜, 芝士, 蕃茄同生菜。漢堡扒好多肉汁好Juicy, 配合埋菠蘿一齊食, 令到成個包甜甜地, 好味道!🍟 薯角原粒薯仔切半而成嘅薯角, 炸得好香脆, 裡面好軟熟。💭 整體食物都幾好, 唯獨是環境唔太適合想 Chill 想Hea 吓嘅朋友。