方姐湛江雞 (已結業)

呢日嚟到呢間喺元朗好旺洋樓嘅方姐湛江鷄食晚飯，order左個特別推介的啤酒鴨煲(半隻$138)同2個燉湯。個鴨煲送到嚟都幾香，入面除左好多嚿鴨仲有好多配料，有冬荀、辣椒、京蔥、芫荽同中芹。食落鴨肉唔會靱，味道唔係好似平時的啤酒味，而係有一種啤酒揮發左之後的淡淡麥香味，無味精食完唔口乾。除左鴨煲，我仲點左個唐排鮮螺頭燉湯($48)，望到湯料有螺頭、唐排、淮山、杞子同圓肉，飲到有螺頭的味道。另一個杏汁白肺燉湯($48)，奶白色嘅杏汁滑得嚟幾有杏汁味。今餐D嘢食完唔覺有味精唔會口乾，值得一讚！