泰廳 (已搬遷) 新店位置

元朗真係好多野食！最鐘意食越南泰國菜既我今次就試下呢間泰廳。揀咗2款小食，分別係炸皮蛋蝦餅 ($75) 同燒豬頸肉 ($69)。蝦餅炸得好脆好彈牙，皮蛋唔係好痴得住塊蝦餅，要小心跌咗舊皮蛋但皮蛋勝在幾靚，唔會有苦澀味~ 而燒豬頸肉食落幾香口，點埋佢特製既汁食落係更上一層樓食泰國菜有椰菜苗我都會揀~ 因爲椰菜苗食落比較有口感馬拉盞鹹魚炒椰菜苗 ($69)味道少少咸香，幾香幾開胃。菠蘿海鮮炒飯 ($89) 原隻菠蘿上枱，賣相已經好吸引係肉鬆同腰果下面，仲有大蝦同好多魷魚，超級足料！炒飯亦炒得不錯，食落唔會乾，加埋有菠蘿粒係入面，食落幾鮮甜