真鮨 (已結業)

難得老公放假，特登過來尖沙咀搵我食個lunch ,我就帶佢去過之前一間食過不錯嘅日本丼飯，老公都係一個好飯之人，所以佢亦都樂於接受我嘅提議。佢冇我咁鍾意食魚生，不過都有好多熟嘅選擇例如係牛肉飯、鰻魚飯等等。而我就揀咗招牌菜，Moshi雜錦盛丼 ：真係飯如其名，啲餸都幾雜錦，而且份量係好豐盛，望落去都已經食慾大增！最重要就有我最鍾意食嘅海膽，都幾鮮甜。三文魚係腩位，夠肥美，點啲豉油再撈飯食，十分之鮮美！有兩隻蟹棒咁多，我仲可以分一隻比老公食，食落夠晒鮮甜。套餐仲有沙律、蒸蛋。加錢可以有埋小食，我哋揀糖心蛋，幾甜，中間蛋黃煮得剛剛好，好滑，不錯。