湯直送 (已結業)

抗疫期間，又要保持社交距離，又想少搭交通工具，又唔想外出午膳，又想飲足料靚湯?當然call湯直送喇! 約埋兩三個同事一齊訂，足料靚湯加自選細飯就準時送到! 今次叫咗個竹蟲草花燉唐排竹絲雞加黑椒雞扒飯，超滿足。個黑椒汁功勁野味，飯盒細細，有五件雞肉，食埋湯入面啲肉就好飽喇，因為湯料都有四件唐排，同三件竹絲雞㗎。最滿足都係飲到靚靚燉湯，又香又清甜。呢段時間，除咗保護好自己，仲要對自己好啲，飲多啲靚湯，有助保持身體健康呀！