海南少爺 (已結業)

話說上星期去咗海港城睇#保羅先生嘅作品展🌉👍🏻，就順便喺海港城開餐，見呢間海南少爺👲🏻都幾多人排隊，就排埋一份試吓啦👲🏻🤪馬來西亞肉骨茶 $148🥘🦴肉骨茶會配一碟響鈴、豆卜、油炸鬼、炸魚皮🐟、炸支竹，🍖肉類可以揀兩款(排骨、豬手🐷、豬腩肉、豬肚)肉骨茶用砂煲加爐熱住上，風味十足🥸，湯底飲落味濃而且微辣，唔會太重藥材味，暖身又好味😋我地叫咗排骨同豬手，各有2-3嚿，豬手骨膠原豐富，每嚿都有肉食🙆🏻‍♂️（會配個甜豉油比你點，唔怕唔夠惹味），再俾埋一堆吸湯配料你，響鈴吸哂d湯不得了，有d似打邊爐咁😍正！推介招牌海南雞飯 $108🐔可以加錢要脾位，雖然我地無要脾，但雞都好滑，點一點傳統三色醬汁(薑蔥油、甜豉油、辣醬🌶️)，再配一啖油飯，油飯煮得岩岩好👍🏻係令人百吃不厭嘅配搭👍🏻套餐雞嘅份量都唔少，有7-8嚿，再搭2條油菜同配一碗湯😋一個人夠晒🙆🏻‍♂️Overall餐廳食物味道🙆🏻‍♂️，窗邊有落地大玻璃，可以嘆下海景，兩個人去好似我咁叫，都夠哂飽，個肉骨茶真係好多料👍🏻另外佢嘅茶都幾香同好飲，應該係荔枝紅茶☕有興趣嘅朋友仔可試吓P.S. 假日食無set lunch，只有主餐牌叫，另有茶芥及加一🔎