利寶閣 (已結業)

同朋友一齊去到利舞臺附近，行完街食飯， 有朋友提議食中菜，試下呢一間利寶閣酒家。有少少選擇困難嘅我哋嗌咗一個黯然銷魂飯配佛跳牆套餐，再加上一個海鮮小菜套餐，四個人食剛剛好。燉佛跳牆入面用咗鮑參翅肚等等嘅海味，飲落夠曬滋補。大大隻花膠，好足料 。小菜套餐就包一個燉湯， 呢個係木瓜雪耳煲豬展， 又係非常滋陰養顏，女仔飲真係唔錯。仲有啲材料。小菜方面我哋叫咗咕嚕肉、 賽螃蟹、炸子雞，仲有一個龍蝦伊麵。咕嚕肉非常開胃，腰果炸得好脆，唔錯。賽螃蟹有唔少帶子，食落好鮮甜，蛋白好滑。炸子雞皮脆肉滑，好食。仲有呢個好正嘅黯然銷魂飯，叉燒肥瘦均勻， 食落好結實，肉質爽口， 加埋唔少嘅麥芽糖喺表面，撈飯超一流。仲有個龍蝦上湯伊麵 ，龍蝦非常大隻 ，每人都分到兩舊以上 ，開心。叫咗唔少嘢食，食到真係好飽。最後仲有糖水添。