吉利餐室 (已結業)

話說近排都喺中上環返工，lunchtime嘅時候成日都唔知食咩好，今次同事推介左一間喺上環嘅外賣店，佢話俾我知平時朝頭早做完運動都會喺呢間店度買早餐，佢哋嘅早餐大大分絕對食唔晒，所以就叫我去試吓佢哋嘅lunch。泰式雞飯（$45）protein爆燈我一去到餐廳外面就已經俾佢嘅雞飯吸引住，店主都好Nice咁問我哋想要雞髀定雞胸，今次我叫咗雞胸。本身我以為雞胸一定會好乾，點知我打開飯盒嘅時候發現佢嘅雞胸唔單止唔乾，仲要非常之Juicy，而且份量十足，數埋數埋大概多個10舊。配上油飯同辣豉油，係完美嘅海南雞飯配搭😋另外跟餐會配埋冬瓜湯，喺炎炎夏日消暑就最啱啦魚肉燒賣（$10）小食王者因為同事話平時早餐都會叫佢哋嘅燒賣，而且佢覺得佢嘅燒賣質地好好食。所以今次我都叫咗一份黎試下。一份$10有八粒，其實都好抵食，佢嘅燒賣係有少少煙韌嘅感覺，唔係平時喺街度有機會食到爽少少嘅魚肉燒賣，魚味都幾突出，絕對唔係假燒賣嘅感覺。配埋辣豉油就100分喇‼️跟餐凍奶茶 ($15)除咗跟餐會有冬瓜湯，我另外加錢叫咗杯凍奶茶，15蚊黎講都幾大杯，凍冰冰最啱夏天嘅時候涼一涼