Picoso

營業中

休息中

芝士焗招牌玉米薄脆 Nachos💲88🔸＋ 煙燻手撕豬肉💲16玉米薄脆超大碟，多到有山丘仔😂，配料好多，有：牛油果醬、蕃茄粒、手撕豬肉、芝士、粟米粒、沙律醬，手撕豬肉甜甜地醃得好入味👍🏼，份量十足，食完好滿足好飽肚😋。.炸魷魚圈配他他醬💲58熱辣辣新鮮炸起，炸得超香脆可口😍，魷魚爽口彈牙，仲食到好惹味既調味粉，有別於一般餐廳食到既炸魷魚圈。.芝士玉米烤焗捲餅💲78🔸＋ 烤西冷牛肉 💲19餅皮岩岩焗起好有口感，外皮仲鋪上芝士、沙律醬 和 牛油果醬，只係加左19蚊，兩份捲餅內就已經有勁多西冷牛肉🥺，真係好抵食！再配埋新鮮打出黎既蕃茄醬，開胃又消滯😁。.墨式豬扒芝士焗飯💲98蕃茄醬係用新鮮蕃茄制成😳，並唔係普通買現成既醬汁，米飯粒粒分明，豬扒切條鋪係飯上面，咬落有少少爽口既感覺😋，整個飯上面都鋪上勁多芝士，新鮮焗起既芝士拉絲效果一流，整體食落口感都好豐富💕。