花果飄零 (已結業)

疫情關係，唔想係街除口罩，已經好少買一杯杯嘅嘢飲。近排天氣突然轉冷，出街着唔夠衫手凍腳凍，咁岩經過朗豪坊，見到花果飄零嘅裝修好靚好優雅，吸引住我眼球。停低落嚟睇吓Menu，發覺佢哋改嘅飲品名都好有心，而且舖頭傳出陣陣香氣，決定一試。 我叫咗個熱既招牌花果茶，佢個杯嘅包裝好文青，個蓋做得放便好用，與眾不同。無叫少甜，但都唔太甜，剛好，而且有少少酸酸地，有茶味。我飲晒成杯之後，食埋入面啲生果。雖然冧冧地但幾好食，浸左咁耐啲生果都仲有味🍎下次會試埋佢其他嘢飲😈