火鳳凰火鍋料理 (已結業)

之前一大班朋友嚟過呢到飲茶，點知夜晚搖身一變，變成打邊爐菜式，不變嘅係佢嘅質素依然好高！打邊爐最重要嘅鍋底，今晚叫咗養生藥膳醉雞鍋，湯底清甜，酒味唔會過分濃郁，配有嘅雞件份量都幾多。另外點咗一份自家嘅手工餃：韭菜餃，都算係名副其實嘅皮薄餡靚，咬落去啖啖肉，韭菜嘅味道都好出，而且切得好細碎！蔬菜嘅款式都黎得特別多，今晚叫咗一份皇帝菜，蔬菜放入呢個湯底，簡直係無敵，最後澱粉愛好者嘅我，再叫埋一個四川薯粉放入鍋底，索哂湯汁口感極佳。