大良甜品鴻輝記 (已結業)

好正呀！終於有一間傳統中式糖水進駐啦！食過芝麻糊真係一流呀！食完買多碗外賣返去比老豆，連老豆都話正呀！由細到大都鍾意食中式糖水架可能都係因為細細個 我老豆媽咪就會帶我去以前屋企樓下食糖水，係一種好難搵返既童年回憶同味道，但人大左身邊啲朋友成日都話去B仔，講真呀我自己始終都對啲得個甜字既糖水非常一般 而家終於有多個選擇啦 足料好味唔在講，最緊要係間鋪頭既裝潢都好有細細個去既傳統中式糖水鋪既感覺啲員工服務態度都非常好有禮貌之餘又會問我碗糖水味道如何，岩唔岩食呀咁，真係一個字講晒，「掂」呀！！