台灣客棧 (勝利工業大廈) (已結業)

話說有一個初創公司訂飯盒去公司樓下智能櫃取的app，每日有不同餐廳團購。
今日就見到有呢間餐廳台式便當可以食，見減咗15蚊之後卅幾蚊有個台式便當咁抵，就試一下！

取餐果度唔太順利，不過呢個唔關食評事就唔詳述了。

好不容易攞到個便當返上樓，打開一睇……真係好足料！

1

招牌滷豬扒便當

$34

首先講下個小菜：有拍青瓜同辣菜脯，青瓜爽口菜脯好辣，大熱天時啱曬，兩個都好好食。
跟住到個滷排骨，味道足唔太鹹，份量都好多。
到個飯……係珍珠米！飯都好多，夠曬飽！
滷蛋、豆腐：夠曬滑，蛋黃都有DD流心，好嘢嚟！

見咁正……即刻憑餐廳名響食環個持牌處所清單搵下究竟邊度嚟，搵到呢度再放上嚟分享下。
遲下仲有機會的話或者轉咗去果頭返工的話可以再叫。