利寶閣 (已結業)

利寶閣嘅中菜一直都好出名~今日終於有機會同爸爸一齊嚟奧海城既利寶閣食番餐~我哋叫咗碧綠炒斑球~穀飼豚肉叉燒飯同佛跳牆~同埋香辣爆蝦球~最尾店員仲送左個甜品比我地TIM~~利寶閣地方夠大，晚市唔算超多人，所以坐得好舒服~佛跳牆跟個豚肉叉燒飯 都只係$188! 真心好抵!!半肥瘦既蜜味叉燒一D都唔肥膩，啖啖肉，飯軟硬適中，好易入口!連平時對普通叉燒飯唔算熱愛既我都食左大半碗!!佛跳牆先勁! 一個盅入面竟然有齊哂鮑參翅肚!!仲有花菇瑤柱雞肉瘦肉!!仲有2條海蔘!!根本係愈食愈驚喜!食極都仲有!香辣爆蝦球非常惹味! 蝦球好彈牙鮮味!物超所值!個香辣調味非常好，對鍾意食辣既我黎講係非常值得推介!!碧綠炒斑球~斑球又係好鮮味!廚師刀功一流~!最後店員送上甜品~~係蛋散!我都有成幾年冇食過蛋散!!利寶閣既蛋散炸得香口但唔油!非常之香!又唔會過甜!係普通茶樓食唔到既美味!絕對值得一試!利寶閣絕對值得推介~~店員細心~溫和有禮~餐廳環境超舒適~上菜又快又夠熱!~係非常愉快嘅用餐經驗~去開奧海城既話絕對會ENCORE~