Express 冰室 Catering (已結業)

紅磡好多好野食，見到間冰室，門面格局有別於一般，入去探個究竟先，見到有位就坐底左，睇完餐牌，我:「寫嘢吖，唔該」侍應:「出面叫同比錢，轉頭比嘢你!」哈～咁出去叫先，比完錢坐低等野食，等左10分鐘，嘢食上檯覺得好趣緻，點解用外賣碗碟上嘅?感覺好似快餐，不過啲設計都幾靚，叫左個套餐，有(滑蛋蝦仁蕃茄湯通心粉)，蛋煎成圓形啱啱好cover到個碗，有5隻蝦仁，蕃茄湯酸酸幾開胃，不過蛋唔係滑多有啲乾~(芝士吞拿魚多士)，芝士留心同吞拿好夾，多士似煎過幾好味，不過係暖，要扣少少分，餐飲加5元轉左杯特飲(話梅青檸梳打)，唔要話梅或者用全粒話梅好啲，因為佢用話梅粉，好似攪唔均咁，食完哩個套餐真係好飽