影片
更多
2010-12-14
12 瀏覽
一個人在旺角. 諗唔到食乜而又唔係太餓. 想去添好運. 一個人去應該唔會等好耐.9:30入去有位唔駛等. 但點心就要等啦. 今次係第一次黎, 當然留個quota 比馳名既酥皮叉燒包. 只係叫左哩樣等等等等到10點先黎. 但係佢地係10點收工, 食慢d 都好似阻住d 阿姐收工咁.中途見到d 阿姐pad d 蒸左既點心落自己個餐盒度.我搭o個張台有幾個外國人, 同佢地吹左陣水, 原來個鬼仔都黎過添好運幾次. 我先第一次黎…10點終於酥皮叉包出爐.阿姐一路抹台抹地我就一路起勢咁食. 急到咬親條脷 真係冇命...真係好新鮮出爐, 熱辣辣燙手的. 食落口都會辣親. 但慢d 食又阻佢地收工…但真係幾好食. 尤其上面層酥皮, 唔太甜, 食落又鬆脆, 包鬆軟, 咸唔多, 但幾多汁.$14埋單. 唔係貴. 但如果好似平時咁等成幾個鐘既話, 食第二間好過啦.今次總算試過, 下次可以等一排添好運潮冷卻左再黎. 所以都有排等…
9:30入去有位唔駛等. 但點心就要等啦. 今次係第一次黎, 當然留個quota 比馳名既酥皮叉燒包. 只係叫左哩樣
等等等等到10點先黎. 但係佢地係10點收工, 食慢d 都好似阻住d 阿姐收工咁.
中途見到d 阿姐pad d 蒸左既點心落自己個餐盒度.
我搭o個張台有幾個外國人, 同佢地吹左陣水, 原來個鬼仔都黎過添好運幾次. 我先第一次黎…
10點終於酥皮叉包出爐.
阿姐一路抹台抹地我就一路起勢咁食. 急到咬親條脷 真係冇命...
真係好新鮮出爐, 熱辣辣燙手的. 食落口都會辣親. 但慢d 食又阻佢地收工…
但真係幾好食. 尤其上面層酥皮, 唔太甜, 食落又鬆脆, 包鬆軟, 咸唔多, 但幾多汁.
$14埋單. 唔係貴. 但如果好似平時咁等成幾個鐘既話, 食第二間好過啦.
今次總算試過, 下次可以等一排添好運潮冷卻左再黎. 所以都有排等…
張貼
