New York Cafe & Bar (已結業)

我同老公仔難得放假，又唔想煮飯，所以諗住夜晚出街食飯。當時未到6:30pm，我同老公講，不如去New York Cafe，橫掂好耐冇食過佢既牛扒。我知道冇book位比較麻煩，但都打電話問下餐廳是否已full booking。接電話既0係一位男士，我問佢dinner booking full左未，佢問番我幾多位，我同佢講2位，佢既回答就係「咁你黎睇睇啦」。當我聽到個男人咁樣講，我好自然既反應就係問：「咁即係有冇位?」，而佢就照答我：「你黎睇睇啦」聽到咁既答案，我已經冇mood去佢間餐廳食飯，如果你係full booking，你可以直接講，又或者同個客講，黎到可能要等等咁，而唔係一個答左等於冇答既answer。最後我同老公當然冇去到佢間餐廳食，同埋短期內都唔會再去。任憑你間餐廳幾好食都好，只要服務差，好快就會令食客卻步。